الاعضاء الVIP
Ahmed Adel Vip Founder المستخدم أخفى الأرباح
أكثر الأعضاء تحقيق للأرباح هذا الاسبوع
محمود المتبولي حقق

$0.28

هذا الإسبوع
الشيخة ماري حقق

$0.21

هذا الإسبوع
Ebram waheep حقق

$0.21

هذا الإسبوع
Mohannad Dammaj حقق

$0.14

هذا الإسبوع
Ahmed Adel Vip Founder المستخدم أخفى الأرباح
ahmed albably حقق

$0.13

هذا الإسبوع
بالحمد تحلو الحياة وتذهب الهموم

بالحمد تحلو الحياة وتذهب الهموم

كنت عاوزة اقوللكم حاجة  😊

انا عارفة ان انتوا ف اوقات كتيرة اوى بتحسوا بالاحباط والملل والزهق والخنئة والدنيا بتكون ف حجم خرم الابرة قصاد عنيكم

بس تخيلوا معايا كده المواقف دى وقولولى هتحسوا بإيه بعدها

تخيلوا طفل فقد والده ووالدته فى حادث وملوش حد يعطف عليه واهله راموه ف ملجأ ايتام. 


ام واب فقدوا ابنهم الوحيد واتقتل او مات من المرض لانهم مش قادرين يجيبوا حق الدواء اللى هيشفيه. 


زوجة توفى زوجها وتركها تصارع الحياة وهمومها والمسئوليه لوحدها وولادهم لسه صغيرين ومحتاجين رعاية كبيرة. 


بنت عدى عمرها الثلاثين وربنا لسه  مرزقهاش  الزوج الصالح. 


ابن بيدرس وبيشتغل ف نفس الوقت عشان يصرف على والده القعيد ووالدته المريضة واخواته الصغيرين. 


اسرة مش لاقية بيت واربع حيطان يستروهم ونايمين فى اوضة من غير سقف ولا دورة مياة ولا مطبخ ومفيش مياة خالص عندهم
زوجة مريضة وجالسة على كرسى متحرك ولا تقدر على اعباء ومسئولية البيت وزوجها هو من يقوم بكل شىء من رعاية لها ولأبناءه ويقوم بمهام زوجته بدلا منها. 


ام لديها ابن او ابنة معاقة وزوجها متوفى ولا يوجد عائل للاسرة فهى الام والاب والمدبرة لكل شىء ف الحياة

تخيلتوا معايا المواقف دى؟

طب بالله عليكم مش احنا ف نعمة كبيرة برضو ؟

احنا ممكن نكون زهقانين لاننا خدنا الاجازة وعاوزين نغير جو ونتفسح او مش لاقيين شغل مناسب مع اننا لو بدأنا ف اى وظيفة وفكرنا ف اى حاجة ربنا هيكرمنا باللى احسن ان شاء الله بس بالصبر وطولة البال وممكن نكون زهقانين لاننا عاوزين نشترى ملابس جديدة بالرغم ان عندنا ملابس لسه مش لبسناها وغيرنا بتكون هدومه مقطعة وقديمة ونفسه وامنية حياته انه يلبس اى هدوم قديمة من عندنا ف نفس الوقت اللى احنا شايفين فيه ان الهدوم دى وحشة اوى اوى هو شايفها انها جميلة جدااااااااا

ياريت بجد نحمد ربنا اوى غيرنا مش لاقى النعمة اللى احنا رافضينها ومش حاسيين بقيمتها وشكر النعمة بيزيدها

ولئن شكرتم لأزيدنكم  ❤️

اللهم لك الحمد كما ينبغى لجلال وجهك وعظيم سلطانك
اللهم لك الحمد والشكر كثيرا على نعمك العظيمة

والحمد لله عدد ما كان وعدد ما يكون وعدد الحركات وعدد السكون.   

بقلم 

سمر دسوقى

التعليقات (0)
الرجاء تسجيل الدخول لتتمكن من التعليق
مقالات مشابة